Gstörti wuche...

Hi


Wau ha ig es programm i dere wuche. freue mi extrem:

Morn, Dienstag, gani am morge wider emau ads Rotary meeting. So verpassi öbbe 1.5 fächer ir Schuel, yes! U am abe ga ig z erschde mau ad Fair.

am Mittwuch hei mir scho z erschde mau late start. So cool, 2 stund lenger schlafe, i freue mi scho iz. u am abe ga ig när wider id Bibelstadi. isch no ä cooli gruppe, u eini vo dä leiterine isch so gar lehrerin a üsere Schule (si het natürlech sofort duzis gmacht).

am Donsti chunt när dr hammer. ig ga mit dr Lorri u no es paar andere ad Fair! ig gloub ds isch so öbbis ändlechs wie d BEA, nur fiu grösser.... Am abe gö mir den ads Konzert vo Third Day, eini vo mini liebligsbands ir schweiz, u hie cha ig die live ga lose, ig bi ja so ufgrfegt! biuder u so fouge natürlech

när am wucheend söt de ändlech ds deck vom Haus fertig si, so ds mers chöi schtriche! naja, git schlimmers!

Ah u am wucheend si no zahlrichi sprotgames ar schuel ahgseid, mau luege...
Am Samsti cha ig mit ärä Rotaryerin anes Foodball game ds Seattle.


auso ig freue mi extrem uf die wuche, bsunders ufe Donsti!



Talk to you later